d Vorfröid stigt, uf die Zyt wome Fröid bereitet, ob erwartet oder unerwartet – mängisch o nume mit ganz Chliinem. Aber o grossi Tröim u Wünsch dörfe i üser WiehnachtsWärchstatt ihre Platz finge.
Schoggiduft & Stärnestoub
Wenn dir jetz i üsi Filiale göt, de finget dir auerhand wunderschöni Läbchüeche, Schöggeli mit Dekor, Gschänkli, Schachteli, Seckli, Chlöisli u no viu viu meh.
Sicher heit dir öich scho gfragt, wär äch bi üs die auergattig schöne Produkt tuet härsteue.
Es si ganz vili kreativi Chöpf u Häng wo jede Tag mithäufe, dass das Brukhard Rad immer witer dräit u d Chunde am Morge früeh ihres Gipfeli oder Kafe chöi ga ha.
Umso schöner isches de, wenn aui die schöne Artikle ide Läde si und üs aune öppe mau es Lächle is Gsicht zoubere.
mir wünsche öich scho jetz e schöni VorwiehnachtsZyt & de viu Fröid bim stöbere
” es het solangs het”
nach däm Motto produziere mir sit Jahr u Tag – mir wei nid eifach produziere, dass produziert isch u wei o nid, dass de zum Schluss so schöni Sache führig blibe. Drum chum gschwing u erföi di a üsem schöne WeihnachtsSortimänt!
Adväntskaländer
Au Jahr ufs Nöie, isch är es richtigs häiläit, üse Adväntskaländer. ConfiseurKuscht vom Feinsten.
Feini Gjanduja Füuige mit verschiedenschte Nüss & Arome wie Pistache, Mandle, chüschtigs WiehnachtsGwürz, Vanille oder Kafe – das Ganze umhüut mit wiisser, Miuch und duinkler Ganache.
Är isch mit viu Liebi verpackt & versiglet ir eigens derfür agfrtigte Verpackig und ere Banderole.
Dr Adväntskaländer fingsch i aune Filiale & o hie giut, es het solangs het!
Samichlous du liebe Ma
o dies Jahr heimer auerhand, gluschtigi, härzigi u liebevou härgschteuti Produkt us dr WiehnachtsWärchstatt, perfekt & passend für i jedes Chlousseckli – ob gross oder chlii, bi üs hets garantiert für aui öpis derbi.
Jedes einzelne Produkt isch mit Liebi zum Detail u viu Lideschaft verpackt und i Szene gsetzt worde.
ChlousSeckli & Rudis Box
si o dies Jahr dr Renner, drin hets nume Feins!
ChlousSack
Müntschi, Branschli, Hasunuss- & Honigläbchueche, Schoggitafele & Ärdnüssli
RudisBox
Müntschi, Branschli, Hasunuss- & Honigläbchueche, Ärdnüssli
aber Achtung – es het solangs het!
Grittibänze
Grittibänz 100g
gits bereit jetz jede Tag im lade z poschte
Grittibänz 220g
ab 20 Stk mit 2 Täg VorbereitigsZyt zum bsteue
Grittibänz 1kg
ab 1 Stk mit 2 Täg VorbereitigsZyt zum bsteue
u wenn no meh wetsch wüsse – de lüt churz a, mir gäbe immer gärn Uskunft!
032 386 79 79
Honig Läbchueche
HonigLäbchueche
z traditionelle & autbewährte Rezäpt isch us üsem aujährlich – wiehnächtliche Sortimänt nid wäg z dänke.
Dr Gruch vo verschiedene Gwürz wie Zimt, Änis, Nägeli, Kardamon u vilne Andere,wecke Erinnerige.
Ob im traditionelle Bäre-Look oder lieber chli modern & hip, träffe si no immer dr Närv vor Zyt.
Die Hasunussige
Härgschteut nach traditionellem Rezäpt, feinschti Gwürz mit gmaune Hasunüss verleihe ihm dä unverglichchlich Gschmack.
Dr Teig usgrout, churz bachä ergäbe dä dr charakteristisch liecht chnusprig Biss und inne, di gwohnti Füechti.
Z Dekor sich e handwärchlechi Meischterleischtig, farbige Marzipan kombiniert mit em autbewährte ZuckerDekor runde das Ganze ab und bringen klein und gross in Wiehnachtsstimmig
Brunsli, Biberli, ZimtStärne, EliseStärne ...
u no viu meh feini und userläsni Wiehnachtsgüetzi finge z zwöit oder z dritt es Plätzli im Seckli. Liebevou dekoriert mit Bändeli u Houzstärndli. Drin hets Brunsli, OrangscheGlöggli, Biberli, LäckerBisse, EliseStärne, ZimtStärne, HasunussStängeli.
aui die wunderschöne Produkt verleihe üsne Filiale e wunderbari VorWiehnachtsStimmig & Heimeligkeit – witeri schöni Sache wärde fouge, auso chum verbi es lohnt sich!
Mir fröie üs uf di Bsuech u nid vergässe, es het solangs het!
Vorwiehnachtlichi Grüess
us Burkhard`s WiehnachtsWärchstatt