d Vorfröid stigt, uf die Zyt wome Fröid bereitet, ob erwartet oder unerwartet – mängisch o nume mit ganz Chliinem. Aber o grossi Tröim u Wünsch dörfe i üser WiehnachtsWärchstatt ihre Platz finge.
oooh Tanneboum
dr Samichlous bringts
Gli gli isch Chlouser u de warte mir doch aui gspannt druf was üs dr Samichlous aues bringt. Biberli, Schoggi, Nüssli & Läbchueche dörfe nid fähle, schliesslich si mir ja aui ganz brav gsi. Chum verbi,
es het solangs het!
Wiehnachtskonfekt
Brunsli, Biberli, ZimtStärne, EliseStärne ...
u no viu meh feini und userläsni Wiehnachtsgüetzi finge z zwöit oder z dritt es Plätzli im Seckli. Liebevou dekoriert mit Bändeli u Houzstärndli. Drin hets Brunsli, OrangscheGlöggli, Biberli, LäckerBisse, EliseStärne, ZimtStärne, HasunussStängeli
Honig Läbchueche
z traditionelle & autbewährte Rezäpt isch us üsem aujährlich – wiehnächtliche Sortimänt nid wäg z dänke. Dr Gruch vo verschiedene Gwürz wie Zimt, Änis, Nägeli, Kardamon u vilne Andere,
wecke Erinnerige. Ob im traditionelle Bäre-Look oder lieber chli modern & hip, träffe si no immer dr Närv vor Zyt.
die Hasunussige
Härgschteut nach traditionellem Rezäpt, feinschti Gwürz mit gmaune Hasunüss verleihe ihm dä unverglichchlich Gschmack. Dr Teig usgrout, churz bachä ergäbe dä dr charakteristisch liecht chnusprig Biss und inne, di gwohnti Füechti.
Z Dekor sich e handwärchlechi Meischterleischtig, farbige Marzipan kombiniert mit em autbewährte ZuckerDekor runde das Ganze ab und bringen klein und gross in Wiehnachtsstimmig
……und das isch ersch dr Afang, cili wunderschöni Sache wärde fouge und üso Filiale i WiehnachtsStimmig bringe.
Mir fröie üs uf di Bsuech u nid vergässe, es het solangs het!
Vorweihnachtlichi Grüss us Burkhard`s WiehnachtsWärchstatt
