do luege mir druf

Zueverlässig u fründlich wie mir täglich üsne Chunde früschi Produkt abiete wo mir chöi derhinger stah, wüsse das sie  guet si u zu üs passe.
Wei beständig si, wärtschetze was mir hei u üs isetze für ds autägliche Wohl u respäktvoue Umgang mit üsne Ressource.

Ä chlini Beckerei si mir nümm aber o ke Grossverteiler.
Chöi üs so positioniere, dass mir üsne Wärte wo üs hei la wachse immer chöi treu blibe.
Das geit öfters uf Choschte vom Profit.
Langfrischtig gseh, hets aber viu ä grössere Gwinn u Nutze.

Üses Land bietet ä Riichtum a Rohstoffe

wo mir dankbar chöi witerverarbeite zu beschte Produkt. Jede Tag soviu das äs Sinn macht u nid am Abe no aui Regau vou si u wenn immer müglich saisonal.
Uf ds viu schnigg schnagg stöh mir nid. Aus währschafte Beck gseh mir üs mit Härzbluet u Sinn für ds Handwärch u wachem Blick vorwärts.
D Ideene u Kreativität lö üs la neugierig si, investiere, usprobiere u teschtä-ä Prozäss wo üs gfaut u aui mit ibezieht u forderet.

Äs git immer wieder Müglichkeite sich säuber u d Mitmönsche ds sensibilisiere

Plastik düe mir vermiede u si dankbar für recycleti u abboubari Verpackige. I jeder Abteilig chöi mir druf luege u üs stetig für witeri gueti Lösige interessiere.

Äs git immer wieder Müglichkeite sich säuber u d Mitmönsche ds sensibilisiere… o wes Durchhaltevermöge brucht oder eifach ä Wink im passende Ougeblick.
Sich säuber ar Nase nä u nid wägluege we dr Abfall dert landet wo är nid häre ghört.

us Arbeitgäber wie mir, haute was mir verspräche, mitschaffe u dra gloube das mir nöii Chance chöi vergä u zämehaft schaffe im nä moderne, nachhautige u standhafte Betrieb.
Si au Tag im Isatz u üsi Türe si offe für Chunde u Gescht wo chöi cho wie sie si . Söue sich wouhfüehle u gniesse was mir mit viu Lideschaft u mit Blick über ä Täuer-u Bachblächrand use, produziere u abiete

die wärtvoue Erfahrige us dr Vergangeheit lö üs muetig id Zuekunft la investiere.