Oschterhase

u no viu meh

Au Jahr uf`s Nöie, lö mir i üsere Schoggiwärchstatt wider es wunderbars Sortimänt a Oschterhase, Näschtli, Eier u no viu viu meh schöns zum Läbe erwache.
Ä Handwärchskunscht wo eim eifach Lächle ist Gsicht zeichnet.

Lang im vorus muess aues sorgfäutig vorbereitet wärde, wie zum Bispiu weli Haseforme, z passende Bändeli oder weles Seckli für wele Has. Aschliessnd wärde die erschte Muschter härgschteut. Mir üserlö nüt em Zuefau, es wird klar definiert, wie d Hase gschminkt wärde, schliesslech söu jede HonigtopfSchnousi glich usgseh, u de luge mir, ob aues de o zäme passt wie mir üs das vorsteue. Zu guter Letzt berchunnt no jede Has si Name & o dä muess wie aues Angere, o passe.

es brucht aues sini Zyt

mir produziere früsch u das brucht sini Zyt.
Schminke, giesse, la azieh, usforme, putze, kontrolliere, bändele, verpacke, aschribe – mir wei nid überproduziere u de när z viu ha nach Oschtere,
drum giut bi üs es het solangs het.

üses KreisyEi

mit Burkhard`s märlihaftem Zouber – lueg ine wases uf sich het mit dr schöne Gschicht vom KreisyEi.

Es si auisamt wunderschöni Oschtergschänk, die mit Truffes & Praliné gfüute Eier oder d Nougat Eier eher traditionell u z luschtige KreisyEi u sini Kollege sorge für d Ungerhautig.

O hie säge mir, es hest solangs het

wär hets erfunge?

säuber heisi dörfe erfinde,  kreiere, usprobiere, plane & poduziere, üsi Lehrnende Konditoreinne – Confiseurinne hei ihri ganz persönliche OschterKreatione vo A-Z säuber gmacht. Jetz cha üsi Chundschaft die wunderschöne Produkt i üsne Filiale go bestuune.

Aus Gschänkli zum mitbringe, öpis chliises für is Näschtli oder eifach sich säuber mou öpis Guets tue, mit de OschterKreatione und emne geute Projekt derhinger, säuber duing u viu derbi lörning vor Yael, Ursina, Emily, Sophie & Nadja.

 

 

Oschternäschtli u no chli öpis derzue

Krafvoui Oschternäschtli i Form vom ne Täschli oder Bächer. Die aui si gfüut mit feinschte Müntschi, SchoggiHäsli, Branschli u EiSpitzbuebe.

O für e Oschtertisch aus Dekoration oder die säuber gfüute Näschtli hei mir auerhand gluschtigi Sächeli wie zum Bispiu, chlini Gianduja Äili & Häsli umhüut mit feinschter Miuch oder dunkler Schoggi oder z Spizubuebe Duo mit Himbi und Aprikose Gomfi.

U o hie giut, es het solangs het

 

z voue Programm

üsi Hase si guet ide VerchoufsFiliale a cho, u wärde jetz chlii u gross begesichtere.
Z Ganze Programm fingsch mit em Link unge dran.

OschterHase 2025

 

GeronimoVougas, Chlopfer, Eierhuttemax

Üsi Mitarbeiter*inne ungerstütze u berate öich gärn. Fein, schön und liebevou härgschteut sisi aui, HonigtopfSchnousi, BluemewisäLisäli, PalomaPicassa, ScharlyGaretty oder LachiLuke u wiesi aui heisse. Vo modern bis traditionell u vo chlii bis ganz gross,  bi üs fingsch aues!