Fröid schänke
d Vorfröid stigt, uf die Zyt wome Fröid bereitet, ob erwartet oder unerwartet – mängisch o nume mit ganz Chliinem. Aber o grossi Tröim u Wünsch dörfe i üser WiehnachtsWärchstatt ihr Platz finge.
es wiehnächtelet
feini SchoggiSache
Chugeli, Zäpfli, Chlöisli, Branschli, Stärne
wunderfeini SchoggiKöschtlichkeite warte uf di.
Dunkli Schoggi gfüut mit Gianduja u drüber chli Glitzerstoub oder z Schnaps Quartett mit Baileys- und Champagner Truffes oder doch lieber di süessi Schlittefahrt mit de gmischte Branschli im Gepäck. Oder eifach e feini Schoggitafele nöi jetz mit “amande salé”, “dunkli orange” oder “dunkli montelimar” chum verbi – es het solangs het!
Wiehnachtskonfekt
Brunsli, Biberli, Schoggi Chugeli...
u no viu meh feini und userläsni Wiehnachtsgüetzi finge geng z zwöit es Plätzli im Seckli. Liebevou dekoriert mit Bändeli u Houzstärndli. Drin hets Brunsli, Mailänderli, Biberli, SchoggiChugeli, OranscheSchnittli, HasunussLäbchüechli, EliseStärne, ZimtStärne, SpizubuebStärne und Orangsche S zum Konfekt
Läbchüeche
Honig Läbchueche
z traditionelle & autbewährte Rezäpt isch us üsem aujährlich – wiehnächtliche Sortimänt nid wäg z dänke. Dr Gruch vo verschiedene Gwürz wie Zimt, Änis, Nägeli, Kardamon u vilne Andere,
wecke Erinnerige. Ob im traditionelle Bäre-Look oder lieber chli modern & hip, träffe si no immer dr Närv vor Zyt. zum Sortimänt
di Nussige
Härgschteut nach traditionellem Rezäpt, feinschti Gwürz mit gmaune Hasunüss verleihe ihm dä unverglichchlich Gschmack. Dr Teig usgrout uf de originau Houzschablone, churz bachä ergäbe dä dr charakteristisch liecht chnusprig Biss und inne, di gwohnti Füechti.
Gfüuti, Bedruckti & Dekorierti
Bi üs gits auerhand Läbchüeche verschiedeni Grössine, Forme und Dekoratione gäbe üs grossi Müglichkeite üsi Kreativität u d Lideschaft mit izbringe. D Biberli zum Bispiu gfüut mit feinschter Mandufüuig u si so schön dekoriert, dass es eim fasch chli röit die z ässe. Dr Sami Niggi-Näggi, z Tanneböimli, Schmutz-Lee & Bäremutz hei mir bedruckt. Üse Läbesmittudrucker ermüglicht üs Biuder, Forme und viles meh diräkt uf d Läbesmittu z drucke.
